ATEGAL empeza o 2023 como todos desexamos, coa mellor compañía e máis ganas de seguir aprendendo e crecendo.
O equipo das Aulas Sénior de Galicia aproveitou o inicio do ano para reunirse e organizar a mellor oferta cultural e de lecer para os maiores de Galicia.
Nesta reunión estivo presente o presidente de ATEGAL, a directora das Aulas Sénior, as coordinadoras de cada unha das sedes e o equipo de colaboradores que, todos xuntos, fan deste espazo un fogar.
Un encontro máis que frutífero, nel planificáronse moitas das novidades para este 2023, organizáronse algunhas das saídas que gozarán todas as aulas de Galicia e puxéronse unhas metas cada vez máis ambiciosas.
Toda a familia ATEGAL está máis que preparada para sacar o máximo partido a este novo ano. E ti?
Como primeira novidade, ATEGAL quere que sumes a esta familia a todos os teus seres queridos. Por iso, co programa “ATEGAL, en familia” convidámosche a que traias a un coñecido, e a cambio non pagarás a túa próxima cota. Así, as aulas seguimos crecendo da túa man: ábrelle a porta todos os teus coñecidos.