As nosas aulas de Santiago de Compostela celebran o día da muller cunha axenda cargada de actividades.

Este luns 7 de marzo, a nosa voluntaria e alumna María Vitoria Tizón impartirá un faladoiro sobre mulleres pintoras. Usará os seus grandes coñecementos de historia para poñer en valor o papel das mulleres na arte.

Ademais, este encontro será retransmitido pola plataforma de formación en liña para que todos os alumnos e alumnas de ATEGAL poidan gozala. Lembra que só por ser socio ou socia das aulas tes acceso ilimitado a esta ferramenta de formación e lecer. Nela atoparás clases en directo de memoria, informática, club de lectura. Pero tamén terás contido gravado para usalo cando queiras (ximnasia, talleres de saúde, etc.).