Un novo inicio, novas oportunidades de aprendizaxe e crecemento. Un ano máis, inauguramos o curso das Aulas Senior de Galicia, que xa levan unhas semanas organizando actividades.
Para a presentación contamos co director xeral de Maiores e Atención Sociosanitaria, Antón Acevedo, e a Directora de Ategal, Paula Sande.
O acto contou ademais coa participación de Miguel Ángel Valero, experto no ámbito da enxeñería de telecomunicacións, que instou á audiencia para ser proactivos en canto á súa participación con respecto ás novas tecnoloxías, tanto á hora de usalas como de colaborar na definición e esixir que sexan útiles e accesibles para todos.