Ángel Fagilde Trabada | Presidente de Asociación Cultural Gallega de Formación Permanente de Adultos
Septiembre 2021
Queridas amigas e amigos.
Como cada ano ao comezar un novo curso quero darvos a BENVIDA á vosa casa, a ATEGAL e confiar en que esteades todos ben.
Superamos tempos complicados, despois de case dous cursos académicos intermitentes, estraños, con ausencias e perdas de familiares e amigos, coa ruptura
das nosas rutinas e actividades, pero debemos aprender de todo isto vivido.
Por iso neste momento quero darvos as grazas por seguir apostando por esta gran familia que é ATEGAL, polo traballo, o esforzo, o acompañamento e o agarimo que
todas as coordinadoras poñen cada día á vosa disposición para que xuntos e xuntas poñamos en marcha de novo unhas Aulas máis fortes, máis próximas, máis vivas e inquietas que nunca.
En cada sede facilitaranvos información das actividades e dos prezos de cada materia, non dubidedes en consultar o que necesitedes ou aquilo que vos gustaría que ATEGAL ofertásevos.
Se algo aprendemos nestes case dous anos é que todos somos fráxiles, vulnerables e necesitamos o apoio e calor dos compañeiros e compañeiras para saír adiante e así xorden novas iniciativas beneficiosas para todos e todas. Abrímosvos as nosas portas para seguir crecendo, para aumentar o número de socios e poder seguir apostando por Dar máis vida á vida.
Recibide un cordial saúdo e un forte abrazo de todo o equipo de ATEGAL.
Ángel Fagilde Trabada
