Nin Edadismo, Nin Fenda Dixital. “Tips de historia”

Este programa é unha continuidade do de NIN EDADISMO NIN FENDA DIXITAL, seguindo coas actuacións de alfabetización dixital en entidades locais e rurais, e coas novas aportacións que xurden destas experiencias. Apostamos por loitar contra o idadismo e fenda dixital con, “Tips de Historia”, onde o principal desafío é a inclusión na convivencia xeneracional. Os protagonistas son as persoas maiores, referentes nas distintas sedes de ATEGAL como Maria Victoria, Eva, Marisel, Manuel… que transmiten coñecemento, conta a Historia de Galicia dende o paleolítico ata a Guerra Civil, explican arte, poñen voz e cara a personaxes destacados da nosa cultura, en vídeos cortos na web de referencia que xa temos do proxecto anterior pero tamén en formato TIK TOK, para chegar, formar e informar ás xeracións máis novas nunha linguaxe familiar e atractiva. É un proxecto de posta en valor do talento senior, interxeneracional, de loita contra o illamento social, onde a tecnoloxía ponse ao servizo dos obxectivos a acadar.

No primeiro vídeo damos unha explicación do que sabemos sobre o home primitivo dende os tempos máis remotos, como era a súa vida e como solucionaba as súas necesidades máis inmediatas. No segundo vídeo se destacan as diversas maneiras de empregar o lume e a súa importancia na vida primitiva. Xa no terceiro vídeo falamos da primeira das revolución das historia do home: o paso de nómade a sedentario, con todo o que isto leva aparellado: agricultura, gandería, oficios. Así continuamos falando sobre a primeira arquitectura monumental, os homes e a súa relación coa espiritualidade, a utilización dos metais e como chegaron a Galicia, a forma de vida nos castros…etc